ՀՀ աշխատանքի և սոցիալական հարցերի նախկին նախարար Զարուհի Բաթոյանը ֆեյսբուքյան իր էջում գրում է.
Կառավարությունն այսօր հավանություն է տվել ՀՀ քաղաքաշինության կոմիտեի մշակած նախագծին, որի նպատակն է ապահովել հաշմանդամություն ունեցող անձանց համար քաղաքաշինական օբյեկտների շահագործման մատչելիությունը: Այդպիսով հաստատվել են նախագծային հատուկ լուծումներով համալրման ենթակա մի շարք կարևորագույն նշանակության օբյեկտների ցանկը և նախագծային հատուկ լուծումներով համալրման ենթակա մի շարք կարևորագույն նշանակության օբյեկտների շահագործման մատչելիությունն ապահովող միջոցառումների ծրագիրը:
Շինարարական աշխատանքների իրականացումը, ներառյալ շինթույլտվության ձեռքբերումը, գնման հայտերի պատրաստումը, մրցույթների կազմակերպումը կատարված աշխատանքների հանձնում-ընդունումը նախատեսվում է 2024թ. առաջին կիսամյակից մինչև 2026 թվականը՝ շարունակական:
Այսպիսով կարևոր նշանակության 20 շենք կդառնա մատչելի: Դրանք են՝
Կարդացեք նաև
- ՀՀ Ազգային ժողովի շենքը,
- ՀՀ կառավարության մասնաշենքերից Կառավարական տունը,
- ՀՀ Սահմանադրական դատարանի շենքը,
- ՀՀ գլխավոր դատախազության շենքը,
- Ազգային անվտանգության ծառայության շենքը,
- ՀՀ ոստիկանության շենքը,
- Ազգային անվտանգության խորհրդի շենքը,
- ՀՀ վարչապետին ենթակա պետական վերահսկողական ծառայության շենքը,
- Ալեքսանդր Սպենդիարյանի անվան օպերայի և բալետի ազգային ակադեմիական թատրոնի շենքը,
- Գաբրիել Սունդուկյանի անվան ազգային ակադեմիական թատրոնը,
- «Մատենադարան» Մեսրոպ Մաշտոցի անվան հին ձեռագրերի գիտահետազոտական ինստիտուտի շենքը,
- Հայաստանի ազգային պատկերասրահի շենքը,
- Հայաստանի ազգային գրադարանի շենքը,
- Հայաստանի Հանրապետության գիտությունների ազգային ակադեմիայի շենքը,
- Կարեն Դեմիրճյանի անվան Երևանի մարզահամերգային համալիրը,
- ՀՀ երկաթուղային կայարաններ (այդ թվում Երևանի երկաթուղային կայարանի շենք)
- Հայաստանի ճարտարապետների միության շենքը և Ալեքսանդր Թամանյանի անվան Հայաստանի ճարտարապետի տունը,
- Հայաստանի նկարիչների միության շենքը,
- Հեռուստակենտրոնի հին մասնաշենքը,
- Երևանի Կարեն Դեմիրճյանի անվան Մետրոպոլիտենի կայարանները:
