Կառավարություն-ԱԺ հարցուպատասխանի ժամանակ այսօր «Պատիվ ունեմ» խմբակցության պատգամավոր Աննա Մկրտչյանը հիշեցրեց, որ «դագաղներով եւ ծաղկեպսակներով իշխանության եկածները» խոստումներ էին տվել, սակայն կարմիր գծերն ու արագաչափերը դեռ կան, ավելին՝ թանկացել են հանրային ծառայությունները, իսկ ժպիտի փոխարեն մարդկանց մոտ անկարողություն է եւ հիասթափություն։
«Ստերին վերջ կա՞, թե ոչ։ Սա ուղղված է Հանրապետության հրապարակի հարթակից խոստումներ տվածին։ Որպեսզի պարոն Արշակյանը չասի, թե հարց չկար ասածիս մեջ, շեշտեմ, որ վերջին նախադասությունը հարց էր»,-նշեց Աննա Մկրտչյանը։
Նիստը վարող ԱԺ նախագահի պարտականությունները կատարող Հակոբ Արշակյանն ասաց․ «Ամեն ինչ չէ, որ հարցականով է վերջանում, ուրեմն հարց է»։ Դահլիճում ծիծաղ լսվեց։
«Տիկին Մկրտչյան, հայտարարությունների ժամ գոյություն ունի, եթե ելույթի կարիք ունեք, օգտվեք դրանից։ Հարց չի հնչել, պատասխանն էլ դժվար կլինի հնչեցնել, այնպես որ՝ անցնենք հաջորդ հարցին»,-հավելեց Արշակյանը։
Կարդացեք նաև
Լուիզա ՍՈՒՔԻԱՍՅԱՆ
