«Չնայած այսօրվա կառավարության ղեկավարն ասել է, որ Մարտի 1-ը բացահայտվել է, չեն բացահայտվել իրական զոհերի թե՛ կատարողները, թե՛ պատճառներով հիմնովին»,-այսօր լրագրողների հետ զրույցում ասաց «Հայաստան» խմբակցության ղեկավար Սեյրան Օհանյանը: Նա վստահեցրեց, որ զոհվածների հարազատներին նախկին իշխանության ժամանակ համապատասխան վերաբերմունք են ցույց տվել:
Սեյրան Օհանյան
Թե ինչու ընդդիմության պատգամավորները Մարտի 1-ի զոհերի հիշատակը չհարգեցին՝ Սեյրան Օհանյանը պատասխանեց. «Երեկ դուք տեսաք, չէ՞, կառավարության ղեկավարը գնում խոնարհվում է, բայց ինչո՞ւ Բանակի օրը չգնացին խոնարհվեին ու ինչու Բանակի օրը չնշվեց»: Նա վստահեցրեց, որ իրենց խմբակցության պատգամավորները անհատական կերպով այցելել են ու խոնարհվել մարտի 1-ի զոհերի հիշատակին:
Մեր հարցին՝ Անդրանիկ Քոչարյանը ասում է՝ թող Սեյրան Օհանյանը այնուամենայնիվ ասի՝ Մարտի 1-ին Ղարաբաղից որ 700 հոգու բերեցին, ինքը գիտե՞ր, թե՞ չգիտեր՝ Սեյրան Օհանյանը պատասխանեց. «Ես հարցաքննվել եմ ու գիտեք, որ Մարտի 1-ի հարցով բավականին երկար ժամանակ դատարանում ենք եղել եւ այդ հարցը արդարացվել է, կարելի է ասել՝ կարճվել է այդ գործը: Ամեն ինչ, ինչ պետք է Մարտի 1-ի հետ կապված՝ զորքերի, արտակարգ դրության, 0038 հրամանի մասին հայտնի է եւ նշված է փաստաթղթերում»:
Կարդացեք նաև
Հռիփսիմե ՋԵԲԵՋՅԱՆ
