Մարտի 1-ը Զրո խտրականության օրն է, եւ այդ առիթով կայացել է «Հավասարության թատրոն» ծրագրի շրջանակում ստեղծված «Անօրինակ պատմություններ» ներկայացման առաջնախաղը: «Դա խտրականության դեմ ուղղված եւ ներառականության մասին պատմող ներկայացում է, որի սցենարի կոնցեպտը կառուցվել է հետեւյալի շուրջ. ինչպես տեսաք վերնագրում, քաղաքի անունը տարօրինակ է, այնտեղ ապրում են տարբեր օրինակներ, եւ բոլորն ապրում են համերաշխության մեջ, բոլորը շատ միասնական եւ համայնքային են: Ներկայացման մեջ տարբեր խնդիրների շուրջ բոլորը բարձրաձայնում են»,-բեմադրությունն այսպես ներկայացրեց Թեք Տեղ թատրոնի սցենարիստ Մարիաննա Փահլեւանյանը:
Նրա խոսքով, ներկայացման մեջ մի տարածք է ստեղծվել, որտեղ բոլորն ընդունված են եւ բոլոր հարցերը կարելի է քննարկել:
Խտրականության դեմ պայքարի և հանուն հավասարության կոալիցիայի նախագահ Լուսինե Քարամյանն էլ նշեց. «Գաղափարը կոալիցիայում ծագեց մեկ տարի առաջ: Արդեն երկրորդ տարին էր՝ համագործակցում էինք կինոարվեստում շատերին հայտնի «Մեկ կադր» կինոփառատոնի հետ: Հասկացանք, որ արժի ընդլայնել եւ արվեստի տարբեր ճյուղեր ներառել ու մասնավորապես թատրոնի միջոցով բարձրացնել խտրականության դրսեւորումների մասին»: Նա ասաց, որ սա կոալիցիայի առաջին փորձն էր որեւէ թատրոնի հետ համագործակցության եւ ներկայացում բեմադրելու:
«Եթե կինոարվեստի աշխարհում կան ֆիլմեր, որոնք արծարծում են խտրականությանը վերաբերող հիմնահարցեր, ապա թատերարվեստում դրանք այդքան շատ չեն, կամ եթե անգամ կան, ապա, որպես կանոն, որևէ մեկ հիմնախնդիր են բարձրաձայնում: Մինչդեռ այս ներկայացման մեջ փորձ է արվել չառանձնացնել որեւէ սոցիալական խումբ, խտրականության որեւէ դրսեւորում: Ներառականության մասին բարձրաձայնելը հեշտ խնդիր չէր, որ դրված էր սցենարիստի առաջ»,- ընդգծեց Լուսինե Քարամյանը:
Կարդացեք նաև
Գոհար ՀԱԿՈԲՅԱՆ
Լուսանկարները ` Մեդիա կենտրոնի
Թատրոնի համար գրողին չեն ասում սցենարիստ…
Հարգելի Աննա, բնականաբար, թատրոնի համար գրում են դրամատուրգները: Իսկ Մարինե Փահլեւանյանին սցենարի հեղինակ ներկայացրել են Մեդիա կենտրոնում, ասուլիսի կազմակերպիչներն իրենք են: Այդպես է գրված եղել եւ մամուլի հաղորդագրության մեջ, եւ լուսագիրը կարող եք տեսնել իրենց հետեւյալ տեսանյութում: Մենք չենք կարող մարդուն այլ կերպ ներկայացնել, եթե ինքն այդպես է ներկայանում:Սա էլ Մեդիա կենտրոնի տեսանյութը, 1:38-ում կարող եք տեսնել, որ նա սցենարի հեղինակ է ներկայացված:
https://www.youtube.com/watch?v=ogy27rZaMfM
Հարգանքով` Գոհար