«Ցավոք, ժողովուրդներն ու պետությունները երբեմն չեն սովորում սեփական ու ուրիշների սխալներից։ Երբ իշխանությունը զավթում է քաղաքական ծաղրածուն, պատերազմից բացի` այլ արդյունք հնարավոր չէ սպասել»,-ԱԺ լիագումար նիստում այսօր հայտարարեց «Հայաստան» դաշինքի պատգամավոր Արեգնազ Մանուկյանը։
«Ուկրաինան դասեր չքաղեց Վրաստանից, Հայաստանը՝ Ուկրաինայից։ Վերջինս կրկին վայելում է պոպուլիզմի եւ անգրագիտության դառը պտուղները, որովհետեւ համաձայնել է մանրադրամ լինել խոշորների սեղանին։ Ժողովուրդները տուժում են սեփական քաղաքական վերնախավի խելքի բացակայությունից։ Պոպուլիզմը քաղաքական մեղք է, եւ նման մարդկանց չի կարելի իշխանություն տալ, իսկ եթե մի անգամ տվել եք, չի կարելի հանդուրժել պարտություն բերած պոպուլիստներին՝ պետական կառավարման համակարգում»,-նշեց պատգամավորը։
Արեգնազ Մանուկյանի խոսքով․ «ՀՀ ժողովուրդը շատ բարձր գին է վճարել՝ իշխանությունը փողոցից եկած պատահական մարդկանց վստահելով։ Որպեսզի վերջնահաշիվը չլինի պետության կորուստը, մենք պետք է ապաշխարենք՝ քաղաքական մեղավորներից ձերբազատվելով»։
ԱԺ նախագահի պարտականությունները կատարող Հակոբ Արշակյանը պատասխանեց․ «Սա ԱԺ ամբիոնն է, կոռեկտ օգտագործեք այն։ Հուսամ՝ դուք էլ կապաշխարեք այսօրվա ձեր արտաբերած բառապաշարի համար»։
Կարդացեք նաև
Լուիզա ՍՈՒՔԻԱՍՅԱՆ
