«Ուկրաինայում ստեղծված ծանր իրավիճակը, աշխարհում բարձր տեմպ վերցրած սպառազինության մրցավազքը, ահաբեկչական խմբավորումների ակտիվացումն ու կենտրոնացումը եվրասիական տարածաշրջանում հուշում են, որ պայթյունը միայն Ուկրաինայով չի սահմանափակվելու»,-ԱԺ լիագումար նիստում այսօր հայտարարեց «Պատիվ ունեմ» խմբակցության պատգամավոր Տիգրան Աբրահամյանը։
«Մեր տարածաշրջանի դերակատարներն ագրեսիվ դիմակայության փուլում են։ Չի բացառվում անուղղակի կամ ուղիղ բախումը։ Հայաստանի եւ Արցախի շուրջ ձեւավորված անվտանգային միջավայրն առավել մուգ գույներ է ստանում։ Շփման գծում իրադրությունը կարող է լուրջ փոփոխություններ ունենալ՝ ՀՀ եւ Արցախի սահմաններին դրսեւորվելով սադրանքներով, զորավարժություններով։ Մեկ այլ փուլում դրանք կարող են կրել նաեւ ագրեսիվ դրսեւորում»,-հավելեց Տիգրան Աբրահամյանը։
Նրա խոսքով՝ նման բարդ իրավիճակում իշխանությունն անհասկանալի դիրք է ընդունել եւ ՊՆ-ում զբաղված է ներկուսակցական փոփոխություններով, զինվորականներին ուղղված սպառնալիքներով։
Կարդացեք նաև
Լուիզա ՍՈՒՔԻԱՍՅԱՆ
