«Բենզինի եւ դիզվառելիքի գինը սահուն կերպով աճում է։ Այս օրերին նորից գնաճ կա, պատճառները տարբեր են։ Ձեր տվյալներով՝ ո՞րն է պատճառը»,-ԱԺ լիագումար նիստում այսօր մրցակցության պաշտպանության հանձնաժողովի նախագահ Գեղամ Գեւորգյանին հարցրեց «Հայաստան» դաշինքի պատգամավոր Թադեւոս Ավետիսյանը։
Գեղամ Գեւորգյանը պատասխանեց․ «Մենք որեւէ բիզնեսի փաստաբանությամբ չենք զբաղվում։ Եթե ասեք մի դեպք, երբ միջազգային շուկայում գինն իջել է, իսկ ՀՀ-ում դրա արտացոլանքը չի եղել, խոսք եմ տալիս,որ հրապարակային վարույթ կձեռնարկեմ։ Իհարկե, բենզինի շուկայում կան խնդիրներ, որոնցից ամենամեծը լաբորատոր կարողությունների բացակայությունն է, որը խոչընդոտում է համապատասխան հսկողությանը։ Բայց կան քրեական գործեր․ որակը եւ քանակը չեն համապատասխանում իրականությանը։ Օպերատիվ տվյալներ հայտնելուց այս պահին զերծ եմ մնում, բայց շուկայի բոլոր տնտեսվարողների հետ կապված կա գործընթաց»։
Լուիզա ՍՈՒՔԻԱՍՅԱՆ
