ՌԴ մամուլի խոսնակ Մարիա Զախարովան՝ պատասխանելով «Առավոտի» հարցին, թե հնարավո՞ր է արդյոք դիտարկել սցենար, որտեղ ՀԱՊԿ մեխանիզմներն ու ռազմական ներուժը կներգրավվեն Ուկրաինայում իրականացվող հատուկ օպերացիայի շրջանակներում՝ հայտարարեց, որ Ուկրաինայի խնդրին առնչվող քննարկումները բազմիցս տեղի են ունեցել և Ռուսաստանի կողմից անփոփոխ կերպով բարձրացվել են գործընկերների հետ շփումների ժամանակ, ինչպես բարձր մակարդակում, այնպես էլ արտգործնախարարությունների, անվտանգության խորհուրդների ու պաշտպանության գերատեսչությունների հետ երկխոսությունների ժամանակ:
Իսկ առավել կոնկրետ պատասխան այդ հարցի հետ կապված, ըստ ՌԴ մամուլի խոսնակի, տվել է կազմակերպության գլխավոր քարտուղար Ստանիսլավ Զասը:
Հիշեցնենք, որ օրերս, Ռոյթեր գործակալությանը տված հարցազրույցում ՀԱՊԿ գլխավոր քարտուղար Ստանիսլավ Զասը հայտնել է, որ ՀԱՊԿ խաղաղապահների տեղակայումը Դոնբասի հակամարտային գոտում հնարավոր է, սակայն, նման զարգացման համար անհրաժեշտ է նախ Ուկրաինայի, ապա ՀԱՊԿ անդամ կառավարությունների և ՄԱԿ-ի անվտանգության խորհրդի համատեղ համաձայնությունը:
Կարդացեք նաև
Նաիրա Բաղդասարյան
