Հանրապետությունում սպառողական շուկայում 12-ամսյա գնաճը կազմել է 7,1%, իսկ հունվարը համեմատած դեկտեմբեր ամսվա հետ՝ 1,6%, իսկ երբ տվյալները համեմատում ենք 2015թ-ի ցուցանիշների հետ, ապա նկատելի է դառնում 117,9% գնաճ:
Վիճակագրական կոմիտեի դիտարկած բոլոր քաղաքներում 2022թ. հունվարին 2021թ. դեկտեմբերի համեմատ սպառողական գներն աճել են 1.2-2.1%-ով, այդ թվում գնաճի ամենաբարձր ցուցանիշն արձանագրվել է Գավառում: Մայրաքաղաքում սպառողական գների մակարդակն աճել է 1.6%-ով:
Մեկ տարվա ընթացքում հացաբուլկեղենի եւ ձավարեղենի շուկայում գրանցվել է 10,4%, իսկ մեկ ամսվա ընթացքում՝ 1,2% գնաճ:
Կաթնամթերքի, պանրի ու ձվի շուկայում մեկ տարում գնաճը կազմել է 11,4%, նույն ցուցանիշն ենք նկատում նաեւ յուղերի եւ ճարպերի շուկայում: 2022թ հունավրը 2021թ-ի դեկտեմբերի համեմատ կաթնամթերքի շուկայում արձանագրվել է 1,1, իսկ յուղերի ու ճարպերի շուկայում՝ 0,3% գնաճ:
Կարդացեք նաև
Գնաճի կարմիր գծի շեմն անցել են բանջարեղենի շուկայում, որտեղ մեկ տարվա ընթացքում գրանցվել է 36,8%-ով թանկացում, իսկ դեկտեմբեր ամսվա համեմատ՝ 20,1%:
Եվ այսպես՝ թվերի տոկոսային հարաբերությունները ցույց են տալիս, որ գնաճը չի արգելակվում, իսկ հասարակության գրպանի պարունակությունը չի ավելանում:
Հոդվածն ամբողջությամբ՝ «Ազգ» թերթի այսօրվա համարում:
