Կառավարության սուբվենցիոն ծրագրով և Բերդի համայնքապետարանի համաֆինանսավորմամբ՝ մեկնարկել են Տավուշի մարզի Բերդ և Արծվաբերդ բնակավայրերի ներհամայնքային ճանապարհների հիմնանորոգման և սալիկապատման աշխատանքները: Այս պահին աշխատանքներն ընթանում են Բերդ քաղաքի Գարեգին Նժդեհ և Հ. Ադամյան փողոցներում:
Ծրագրով նախատեսվում է նաև հիմնանորոգել Գարեգին Նժդեհ, Ստեփանյան փողոցները, Զորավար Անդրանիկ-Խորենացի խաչմերուկը:
Վերանորոգվող բոլոր ճանապարհներին կից կկառուցվեն ջրահեռացման համակարգեր:
Ծրագրի շրջանակում հիմնովին կվերանորոգվի և կսալիկապատվի Արծվաբերդ բնակավայրի 13 փ-ի 200 երկարությամբ և 6 մ լայնությամբ ճանապարհահատված, որը հարում է անմիջապես դպրոցին: Ծրագրի արժեքը 394. 357. 862 ՀՀ դրամ է, որից Կառավարության ներդրումը կազմում է 276, 050, 503 ՀՀ դրամ (70%), Բերդի համայնքապետարանի ներդրումը՝ 118. 307. 359 ՀՀ դրամ(30%):
Կարդացեք նաև
Լիա ՃԱՂԱՐՅԱՆ
Լուսանկարները՝ Բերդի համայնքապետարանի
