ՆԱՏՕ-ն Ուկրաինան համարում է արժեքավոր գործընկեր, բայց Ռուսաստանի նոր ներխուժման ֆոնին չի նախատեսում զինծառայողներ ուղարկել՝ Ուկրաինայի ԶՈՒ պաշտպանունակությունն ամրապնդելու նպատակով: Այս մասին այսօր տեղի ունեցած ճեպազրույցում հայտարարել է ՆԱՏՕ-ի գլխավոր քարտուղար Յենս Ստոլթենբերգը:
«Ուկրաինան մեզ համար շատ արժեքավոր գործընկեր է, մենք աջակցում ենք այդ երկրին բազում տարիներ: Օգնել ենք կառուցել ռազմական ենթակառուցվածքներ, մարզել, հագեցնել և ուժեղացնել բանակը»,- ասել է նա՝ հավելելով, որ այնուամենայնիվ, իրենք այժմ Ուկրաինայում ՆԱՏՕ-ի զորքեր չունեն, և իրենք չեն նախատեսում այնտեղ զինվորականներ ուղարկել:
Գլխավոր քարտուղարը հավելել է, որ իրենք միշտ հստակ հայտարարել են իրենց դիրքորոշումը և կշարունակեն նույնն անել: Նրա խոսքով որոշում է կայացրել «ավելացնել ռազմական ներկայությունը ՆԱՏՕ-ի կազմի մեջ մտնող երկրների սահմաններում»:
Կարդացեք նաև
Պատրաստեց Վիկտորյա ԱՆԴՐԵԱՍՅԱՆԸ
