Երեւանի օլիմպիական հերթափոխի պետական մարզական քոլեջում մեկնարկել են ծանրամարտի Հայաստանի աղջիկների եւ տղաների երիտասարդական առաջնությունները:
Աղջիկների պայքարում 45 կգ քաշային կարգում հաղթել է Նատալյա Սարգսյանը՝ երկամարտի 87 կգ արդյունքով, իսկ Գյուլնարա Տիգրանյանը հավասարը չի ունեցել 49 կգ քաշում՝ երկամարտում ցույց տալով 119 կիլոգրամ:
Ավելի հետաքրքիր է անցնում տղաների պայքարը: 55 կգ քաշային կարգում մրցանակային եռյակը կազմել են Իսահակ Ղամբարյանը՝ 206 կգ, Սեյրան Խուդանյանը՝ 205 կգ, Ժորա Գրիգորյանը՝ 203 կգ:
Կարդացեք նաև
61 կգ քաշայինների մեջ այս տարիքային խմբի հանրապետության չեմպիոնի կոչումը նվաճեց Անդրանիկ Պապեյանը՝ 255 կգ, նրան հաջորդեցին Գառնիկ Չոլակյանը՝ 248 կգ եւ Արմեն Հունանյանը՝ 228 կգ:
Աշոտ ՀԱԿՈԲՅԱՆ
