Կառավարությունն այսօրվա լրացուցիչ միջոցներ տրամադրեց Վեդու ջրամբարի կառուցման նպատակով, որի շինարարությունն իրականացվում է Ֆրանսիայի կառավարության աջակցությամբ:
Տարածքային կառավարման եւ ենթակառուցվածքների նախարար Գնել Սանոսյանն ասաց, որ ջրամբարի ընդհանուր արժեքը 394,4 հազար եվրո է. «Այս որոշմամբ հնարավորություն կտրվի ավարտել Վեդու ջրամբարի կառուցման աշխատանքները: Պատվարի հիմնական կառուցման աշխատանքները մոտ 80 տոկոս իրականացված են, այս տարվա վերջ ջրամբարի կառուցումը կավարտենք»:
Նախարարը նշեց, որ մյուս համակարգներն այնպես են կառուցված, որ այն գետերից հոսքերը, որ պետք է գան ու լցվեն ջրամբարը, հոսքերը գալիս, ջրամբարի տարածքով անցնում են ու ոռոգման սեզոնին ծառայեցվում է բնակչությանը, մինչեւ որ ջրամբարը կլցվի ամբողջովին:
Վարչապետ Նիկոլ Փաշինյանը հիշեցրեց իրենց նախընտրական շրջանում տված խոստումը՝ 15 փոքր ջրամբար կառուցելու մասին. «Մենք հիմա այդ ուղղությամբ որոշակի առաջընթաց ունենք: Ինչքան հասկանում եմ՝ հիմա սկսում ենք Քասախի, Արգիճի, Աստղաձորի, Ելփինի, Արթիկի, Լիճքի ու Եղվարդի ջրամբարների նախագծումը»:
Կարդացեք նաև
Լուսինե ԲՈՒԴԱՂՅԱՆ
