«Այս իշխանությունը կարող է Շուշիի խայտառակ հռչակագրի 3-րդ կողմը համարվել, որովհետեւ մերժեց դատապարտող հայտարարությունն ԱԺ օրակարգ մտնելու օգտին քվեարկել»,-Եվրանեսթ խորհրդարանական վեհաժողովի եւ դրա շրջանակում ադրբեջանցի պատվիրակների՝ Երեւան այցի դեմ բողոքի ցույցի ժամանակ այսօր հայտարարեց իրավապաշտպան, ՀՀ առաջին օմբուդսման Լարիսա Ալավերդյանը։
Նրա խոսքով․ «Եթե այս իշխանության խաղաղության օրակարգը կեղծ չէ, ապա պետք է քվեարկեին դրա օգտին՝ առնվազն դատապարտելով թուրք-ադրբեջանական նախապայմանները, որոնք իրականում խանգարում են խաղաղության հաստատմանը։ Բայց ունենք վիճակ, երբ ոսոխը դրսից եւ ներսից վտանգում է հայությանը, երկու հայկական պետությունները»,-հավելեց Լարիսա Ալավերդյանը։
Լուիզա ՍՈՒՔԻԱՍՅԱՆ
