Առողջապահության համաշխարհային կազմակերպությունը խթանում է եւ կոչ է անում 5 տարեկանից բարձր եւ քրոնիկ վիճակներ ունեցող անձանց պատվաստվել: Այսօր առողջապահության նախարարությունում կազմակերպված ասուլիսում ասաց ԱՆ մանկաբուժության գծով խորհրդատու Սերգեյ Սարգսյանը:
Նրա խոսքով, մեր երկրում կորոնավիրուսով վարակված եւ հարաբերականորեն ծանր վիճակում գտնվող 3 երեխաներ վերակենդանացման բաժանմունքում են։ Սերգեյ Սարգսյանի տվյալներով, ընդհանուր առմամբ ամբողջ հանրապետության հիվանդանոցներում բուժում է ստանում շուրջ 190 երեխաներ։
Մանկաբույժի խոսքով «օմիկրոն» շտամը երեխաների մոտ հանգեցրել է վերին շնչուղիների ախտահարման եւ հիմնականում չի հասել թոքերին. «Այս հիվանդության դեպքում նկատվել է նաեւ մի առանձնահատկություն. զարգացել են լարինգոտրախեիտ եւ կրուպ հիվանդությունները»:
Սերգեյ Սարգսյանի խոսքով՝ Հայաստանում կան պատվաստանյութեր, երեխաները նույնպես կարող են պատվաստվել, պատվաստումը կամավոր է. «12 տարեկանից բարձր երեխաների պատվաստումն արդեն փորձարկված է աշխարհում: Չինաստանում քննարկում են 3 տարեկանից սկսած պատվաստել»:
Կարդացեք նաև
Ըստ նրա, ԱՀԿ-ն խրախուսում է երեխաներին պատվաստել «Pfaizer» կամ «Moderna» պատվաստանյութերով:
Մասնագետը նաեւ նշեց, որ փետրվարի 1-20-ը դեպքերի թվի նվազում է նկատվում:
Լուսինե ԲՈՒԴԱՂՅԱՆ
