Դոնեցկի և Լուգանսկի ինքնահռչակ հանրապետությունների ղեկավարներ Դենիս Պուշիլինը և Լեոնիդ Պասեչնիկը համընդհանուր զորահավաքի մասին հրամանագրեր են ստորագրել, հայտնում է TASS-ը:
Դոնեցկի ինքնահռչակ հանրապետության ղեկավար Դենիս Պուշիլինն իր տեսուղերձում նշել է. «Կոչ եմ անում պահեստազորում գտնվող մեր համերկրացիներին զինկոմիսարիատներ ներկայանալ: Այսօր համընդհանուր զորահավաքի մասին հրամանագիր եմ ստորագրել»:
Լուգանսկի ինքնահռչակ հանրապետության ղեկավար Լեոնիդ Պասեչնիկը դիմելով քաղաքացիներին՝ նշել է, որ հանրապետության բնակիչների առաջ «միասնական խնդիր և հիմնական նպատակ է դրված՝ ամեն գնով պաշտպանել հայրենի հողը և կանխել խաղաղ բնակչության զանգվածային ոչնչացումը, ինչպես դա եղավ 2014 թվականին»։
18-ից 55 տարեկան տղամարդկանց համար Լուգանսկից մեկնելու արգելք է սահմանվել:
