ՄԱԿ-ի զարգացման ծրագրի (ՄԱԶԾ) «Կանայք և երիտասարդները նորարար տեղական զարգացման գործընթացներում» ծրագրի շրջանակում՝ Բերդ համայնքում նախատեսվում է լաբորատոր-գործիքային ախտորոշիչ շարժական ծառայություն ներդնել:
Այսօր Բերդի համայնքապետարանում կայացել է աշխատանքային հանդիպում, որի ընթացքում ծրագրի վերաբերյալ մանրամասներ են ներկայացրել «Կանայք և երիտասարդները նորարար տեղական զարգացման գործընթացներում» ծրագրի համակարգող Ժաննա Հարությունյանը, ՄԱԶԾ առաջատար փորձագետ Դավիթ Մարգարյանը, ՄԱԶԾ փորձագետ Հասմիկ Մանասյանը:
Կարդացեք նաև
Համայնքի բուժհաստատությունների տնօրենների և ներկայացուցիչների հետ քննարկվել է լաբորատոր-գործիքային ախտորոշման ծառայության մոդելը: Ծրագրի նպատակը լաբորատոր-գործիքային ախտորոշման ծառայությունը հասանելի դարձնելն է համայնքի բնակավայրերի բնակիչների համար: Ծրագիրն իրականացվում է ՄԱԶԾ հայաստանյան գրասենյակի կողմից, Շվեյցարիայի զարգացման և համագործակցության գործակալության ֆինանսավորմամբ, ՀՀ Տարածքային կառավարման և ենթակառուցվածքների նախարարության հետ համագործակցությամբ:
Լիա ՃԱՂԱՐՅԱՆ
Լուսանկարները՝ Բերդի համայնքապետարանի
