ԱՄՆ «Հանուն ժողովրդավարության» համաժողովին մասնակցության հրավերն ուղարկվում է՝ հաշվի առնելով այս կամ այն երկրում ժողովրդավարության հետ կապված իրավիճակը: Այս մասին այսօր տեղի ունեցած կլոր սեղան քննարկմանը հայտարարել է Բաքվում ԱՄՆ դեսպան Լի Լիտցենբերգերը:
«Մենք հույս ունենք, որ ապագայում Ադրբեջանն էլ կլինի մասնակիցների թվում, բայց դրա համար անհրաժեշտ է որոշակի առաջընթաց այնպիսի հարցերում, ինչպիսիք են հիմնարար ազատությունները, քաղաքացիական հասարակության հնարավորությունները, մարդու իրավունքների նկատմամբ հարգանքը»,- ասել է նա:
Հարցին, թե ինչու է համաժողովին հրավիրվել Հայաստանը, իսկ Ադրբեջանը՝ ոչ, Լիտցենբերգերն ասել է, որ հրավերն արվում է՝ կախված որոշակի ժողովրդավարական բարեփոխումների առկայությունից, և ոչ թե այս կամ այն քաղաքական կամ ռազմական կազմակերպությանն անդամակցությունից:
Կարդացեք նաև
Պատրաստեց Վիկտորյա ԱՆԴՐԵԱՍՅԱՆԸ
