Անկարայի ու Երևանի միջև հարաբերությունների կարգավորումը կարող է դրական դեր խաղալ Հայաստանի և Ադրբեջանի միջև հարաբերությունների կարգավորման գործում: Այս մասին հայտարարել է Բաքվում ԱՄՆ դեսպան Լի Լիտցենբերգերը:
«Թուրքիայի և Հայաստանի միջև հարաբերությունների կարգավորումը նոր լոգիստիկ և տրանսպորտային հնարավորություններ կբացի տարածաշրջանում: Այն նաև կարող է դեր խաղալ Ադրբեջանի և Հայաստանի միջև հարաբերությունների կարգավորման գործում: Այս տարածաշրջանում կարգավորումն ու կայունությունը օգուտ կլինի այստեղ գտնվող բոլոր երկրների համար»,- ասել է Լիտցենբերգերը այսօր տեղի ունեցած կլոր սեղան քննարկմանը՝ նվիրված Ադրբեջանի և ԱՄՆ-ի միջև դիվանագիտական հարաբերությունների հաստատման 30-ամյակին:
Նրա խոսքով՝ ԱՄՆ-ը կողմ է տարածաշրջանում հաղորդակցությունների ապաշրջափակմանը և կայունության հաստատմանը:
Միաժամանակ դեսպանը մատնանշել է Բաքի ու Երևանի միջև առկա որոշակի խնդիրները: «Կան մի շարք հարցեր, որոնք դեռ պետք է լուծվեն՝ ականապատ դաշտերի խնդիրը, հարկադիր տեղահանվածների վերադարձ, սահմանազատում և սահմանագծում»,- ասել է նա:
Կարդացեք նաև
Պատրաստեց Վիկտորյա ԱՆԴՐԵԱՍՅԱՆԸ
