Aravot.am-ի տեղեկություններով, երեկ սննդային թունավորում ախտորոշմամբ Գյումրու ինֆեկցիոն հիվանդանոց են տեղափոխել Շիրակի մարզի Ձիթհանքով գյուղում բնակվող Գալստյանների ընտանիքի 5 անդամներին, որոնցից երեքն անչափահաս են՝ մեկը 5 տարեկան է, մյուսները՝ 2-րդ և 3-րդ դասարանի աշակերտներ են։ Մեծահասակները 69 և 33 տարեկան կանայք են։
Նրանք Անիի ոստիկանությունից մեկնած օպերատիվ խմբին հայտնել են, որ փետրվարի 10-ին ժամը 20.30-ի սահմաններում տանը կերել են ձուկ և հնարավոր է՝ դրանից են թունավորվել: Նշանակվել է դատաբժշկական փորձաքննություն, նախապատրաստվում են նյութեր:
Գյումրի բժշկական կենտրոնի փոխտնօրեն Արմեն Խաչատրյանը մեզ հետ զրույցում տեղեկացրեց՝ նրանց մոտ սուր թունավարակ է, ստանում են բուժում, վիճակներն այժմ գնահատվում է բավարար, պատրաստվում են հիվանդանոցից դուրս գրել նրանց։
Նունե ԱՐԵՎՇԱՏՅԱՆ
Կարդացեք նաև
