Ադրբեջանի նախագահ Իլհամ Ալիևը հայտարարել է, որ իրենք պատրաստվում են էլեկտրահաղորդման նոր գիծ բացել «Զանգեզուրի միջանցքով»:
«Այժմ մենք նախատեսում ենք նոր գիծ կառուցել Ադրբեջանից Զանգեզուրի միջանցքով Նախիջևանի ինքնավար Հանրապետություն, իսկ այնտեղից Թուրքիա և Իրան: Զանգեզուրի միջանցքը ոչ միայն երկաթուղային ճանապարհ է կամ ավտոճանապարհ, այլ դերակատարություն կունենա նաև էներգառեսուրսների արտահանման գործում»,- ասել է Ալիևը «Ազերթաջ»-ին տված հարցազրույցում:
Ալիևը հիշեցրել է, որ Ադրբեջանն էներգետիկ կապեր ունի հարևան բոլոր 4 երկրների հետ:
«Մենք կունենանք նոր գիծ Ադրբեջանի անբաժան մաս հանդիսացող Նախիջևանի Ինքնավար Հանրապետություն էներգամատակարարման համար, իսկ այնտեղից դեպի արտաքին շուկաներ՝ Թուրքիայով դեպի Եվրոպա: Մենք աշխատում ենք այդ ուղղությամբ, և մեր աճող արտահանումը կբարձրացնի մեր նշանակությունը, աշխարհաքաղաքական նշանակությունը և միաժամանակ մեզ կբերի լրացուցիչ արժութային շահույթ»,- ասել է Ալիևը:
Կարդացեք նաև
Պատրաստեց Վիկտորյա ԱՆԴՐԵԱՍՅԱՆԸ
