Թուրքիան կցանկանար Հայաստանի հետ հարաբերությունների կարգավորման ուղղությամբ հանդիպումներ անցկացնել Անկարայում ու Երևանում, սակայն հայկական կողմի նախաձեռնությամբ հանդիպումներն անցկացվում են երրորդ երկրներում: Այս մասին հայտարարել է Թուրքիայի արտգործնախարար Մևլութ Չավուշօղլուն:
«Մենք նշանակել ենք հատուկ ներկայացուցիչներ, անցկացրել ենք հանդիպում Մոսկվայում: Եվ փետրվարի 24-ին Վիեննայում տեղի կունենա ևս մեկ հանդիպում: Ես կցանկանայի, որպեսզի մենք կարողանայինք այդ հանդիպումներն անցկացնել Թուրքիայում կամ Հայաստանում, բայց հայկական կողմն ընտրել է երրորդ երկիր, ինչը նույնպես լավ է»,- ասել է Չավուշօղլուն:
Պատասխանելով այն հարցին, թե արդյոք Ադրբեջանը՝ որպես Թուրքիայի դաշնակից, մտահոգված չէ Անկարայի ու Երևանի միջև հարաբերությունների կարգավորմամբ, Չավուշօղլուն ասել է, որ ընդհակառակը, Բաքուն սատարում է այդ գործընթացը:
Կարդացեք նաև
Պատրաստեց Վիկտորյա ԱՆԴՐԵԱՍՅԱՆԸ
