Կառավարությունն ու քննչական կոմիտեն թափանցիկ կերպով են հրապարակել 44-օրյա պատերազմում զոհվածների եւ անհետ կորածների թիվը։ Այս մասին այսօր կառավարություն-ԱԺ հարցուպատասխանի ժամանակ հայտարարեց վարչապետ Նիկոլ Փաշինյանը։
«Այսօրվա դրությամբ զոհվածների թիվը 3812 է։ Չեմ կարող հասկանալ, երբ ընդդիմադիր գործիչներն ասում են՝ 5000, 6000, 7000…եթե այլ տվյալ ունեն, թող հիմնավորեն, այլապես իմ համար պարզ չի տրամաբանությունը, թե ինչո՞ւ են ակնհայտ, իրենց քաղաքական․․․կարո՞ղ է այդպես է ծրագրված եղել, չի ստացվել»,-հարցադրում արեց Նիկոլ Փաշինյանը։
«Թե իրենց համար հաճելի է, որ զոհերի թիվը 1000-ով ավել լիներ․․․հարցս հռետորական է։ Այս ի՞նչ տրամաբանություն է։ Սա խոսուն փաստ է, որից պետք է կոնկրետ հետեւություններ անել»,-հավելեց Փաշինյանը։
Կարդացեք նաև
Լուիզա ՍՈՒՔԻԱՍՅԱՆ
Հ․ Գ․ Էդուարդ Շարմազանովը ֆեյսբուքյան իր էջում գրել է․ «Կապիտուլյանտ,էդ որ ԱԺ-ում մեր նահատակների ու անհետ կորածների թիվ ես հրապարակում ու մեղադրում ընդդիմությանը, թե չշտված թիվ են հրապարակում, ինչո՞ւ մինչ օրս նահատակների ու անհետ կորածների անվանական ցանկը չես հրապարակում։ Ինչո՞ւ։ Երբ անվանական ցանկը կհրապարակես, այն ժամանակ էլ «մուննաթ» կգաս»։
