Փետրվարի 9-ին խորհրդարանն առաջին ընթերցմամբ քննարկել է «ՀՀ հարկային օրենսգրքում փոփոխություններ եւ լրացումներ կատարելու մասին» օրենքի նախագիծը: Այն ներկայացրել է ՊԵԿ նախագահի տեղակալ Արթուր Մանուկյանը:
Նա պարզաբանել է, որ նախագծի հիմնական նպատակը պայմանավորված է Հարկային օրենսգրքի կիրառման ընթացքում ի հայտ եկած հարցերի կանոնակարգման եւ հստակեցման անհրաժեշտությամբ: Մասնավորապես, առաջարկվում է ուժը կորցրած ճանաչել օրենսգրքի 44-րդ հոդվածի 5-րդ մասը, հստակեցնել, որ ստուգման կամ ուսումնասիրության վաղեմության ժամկետի ընթացքը երկարաձգվում է կասեցման ժամանակահատվածում ներառված աշխատանքային օրերի քանակի չափով:
Նախատեսվում է վաղեմության ժամկետներով պայմանավորված սահմանափակումները չտարածել հարկային հաշվարկներով հարկային պարտավորությունն ավելացնող եւ կամ հաշվանցվող գումարը նվազեցնող փոփոխությունների նկատմամբ, հարկ վճարողներին հնարավորություն տալ ստուգման կամ ուսումնասիրության ընթացքը կասեցված լինելու դեպքում ներկայացնել ստուգվող հաշվետու ժամանակաշրջանին վերաբերող հարկային հաշվարկներ:
Առաջարկվում է հստակեցնել, որ հարկային մարմինն իր կայքում հրապարակում է առաջին 1000 խոշոր հարկ վճարողների ցանկերը եւ հարկային տարվա սկզբից նրանց վճարած ինչպես հարկերի, այնպես էլ վճարների մեծությունները, միաժամանակ, մետաղական օգտակար հանածոյի արդյունահանման թույլտվություն ստացած ընդերքօգտագործող հարկ վճարողների կողմից արտահանած ապրանքների ցանկերի հրապարակման համար բավարար հիմք ընդունել դրանց արժեքային եւ քանակական չափերը եւ այլն:
Կարդացեք նաև
ԱԺ տնտեսական հարցերի մշտական հանձնաժողովի եզրակացությունը նախագծի վերաբերյալ դրական է, այս մասին հայտնել է հանձնաժողովի անդամ Կարեն Համբարձումյանը:
Եզրափակիչ ելույթում Արթուր Մանուկյանը հայտնել է, որ հանձնաժողովում քննարկման ժամանակ եղել են առաջարկներ, որոնց արդյունքում նախագիծը կբարեփոխվի:
ԱԺ
