Հրապարակվել է 2021 թվականի տնտեսական ակտիվության ցուցանիշը (ՏԱՑ): Այն, 5,8 տոկոսով ավելին է 2020 թ. հունվար-դեկտեմբերի նկատմամբ:
Արդյունաբերական արտադրանքի ծավալն անցյալ տարի, դրան նախորդող տարվա համեմատությամբ 3,3 տոկոսով է ավելացել, փոխարենը 1,1 տոկոսով նվազել է գյուղատնտեսության համախառն արտադրանքի ծավալը: Շինարարության ծավալներն անցյալ տարվա հունվար-դեկտեմբերին ավելացել են 7,4 տոկոսով: Առեւտրի շրջանառությունն էլ՝ 7,5 տոկոսով: Ծառայությունների ծավալն առանց առեւտրի, աճել է 7,8 տոկոսով: Սպառողական գների ինդեքսը նույնպես ավելացել է՝ կազմելով 7,2 տոկոս:
Էլեկտրաէներգիայի արտադրության ծավալները նույնպես նվազել են: Անցյալ տարի 0,6 տոկոսով ավելի քիչ էլեկտրաէներգիա ենք արտադրել, քան՝ 2020-ին: Ըստ վիճակագրական կոմիտեի տվյալների, 12 ամիսների ընթացքում աճ է գրանցել Միջին ամսական անվանական աշխատավարձը՝ 7,6 տոկոսով: Արտաքին առեւտրաշրջանառության աճը նախորդ տարվա 12 ամիսներին կազմել է 17, 7 տոկոս, արտահանումն էլ՝ 19,1 տոկոսով, ներմուծումը՝ 16,9 տոկոսով:
Լուսինե ԲՈՒԴԱՂՅԱՆ
