«Մեր երկիրը հասցրել են մի վիճակի, երբ նախկին կոլխոզի նախագահներն են մեր երկրին արհամարհանքով վերաբերվում»,-ի պաշտպանություն Գորիս համայնքի ղեկավար Առուշ Առուշանյանի բողոքի ցույցի ժամանակ հայտարարեց ՀՀ ԱԺ նախագահի տեղակալ Իշխան Սաղաթելյանը:
Հիշեցնենք՝ Բելառուսի նախագահ Ալեքսանդր Լուկաշենկոն Վլադիմիր Սոլովյովին տված հարցազրույցում կարծիք է հայտնել, որ Բելառուսի և Ռուսաստանի Միութենական պետությանը կարող են միանալ հետխորհրդային տարածության նաև այլ հանրապետություններ, և մեծ հավանականությամբ՝ Հայաստանը, որովհետև «ոչ մեկին պետք չէ»:
Իշխան Սաղաթելյանն այս առիթով վրդովվեց՝ այս իշխանությունը մեր երկիրը բերել, հասցրել է այն օրին, որ նույնիսկ ոչ թշնամական երկրի ղեկավարը մեր հինգհազարամյա պատմություն ունեցող ազգի նկատմամբ այդպես է արտահատվում:
Խոսելով իշխող քաղաքական ուժի վարած քաղաքականության մասին՝ նա ասաց. «Այդ մուրճը միայն ժողովրդի դեմ ու ներքաղաքական կյանքում են օգտագործում: Չեն արձագանքում թշնամուն: Իրենք ի վիճակի չեն թշնամուն արձագանքելու և առհասարակ չեն արձագանքում նաև դրսի այն բոլոր հայտարարություններին, որոնք տեղի են ունենում մեր երկրի նկատմամբ: ՀՀ ինքնիշխանությունը բացարձակ արժեք է, և որևէ մեկն իրավունք չունի դա դնել հարցականի տակ: Սա խոսում է ՀՀ արտաքին քաղաքականություն չունենալու մասին: Այն, որ ասում ենք ծնկի եկածները պետք հեռանան, որ վերականգնվի մեր արժանապատվությունը, հենց սա նկատի ունենք: Պարտության խորհրդանիշ ուժը չի կարող սպասարկել և պատշաճ ներկայացնել ՀՀ շահերը: Երբ վռնդենք այս իշխանությանը, աշխարհը մեզ հետ այլ լեզվով է խոսելու»:
Կարդացեք նաև
Տաթև ՀԱՐՈՒԹՅՈՒՆՅԱՆ
