«Նման դեպքերում հասարակությունը, լրատվամիջոցները եւ յուրաքանչյուրն իր գործունեության տիրույթում պետք է շատ զգույշ լինեն այդ տեղեկությունները տարածելիս, որովհետեւ վնասում ենք, թե՛ երեխային, որը հնարավոր ռիսկի գոտում է եղել, եւ, թե՛ այդ շրջապատում գտնվող մնացյալ երեխաներին»,-այսօր անդրադառնալով թիվ 124 մանկապարտեզի շուրջ տեղի ունեցողին, «Արմենպրես»-ի մամուլի սրահում ասաց ՀՀ աշխատանքի եւ սոցիալական հարցերի նախարարության Երեխաների հիմնահարցերի բաժնի պետ Անահիտ Հովհաննիսյանը:
Նրա խոսքով, նախարարության գործառույթների տիրույթում չի գտնվում երեխաներին ծառայությունների տրամադրումը մանկապարտեզներում. «Այնուամենայնիվ, հարցը երեխայի իրավունքների պաշտպանությանն է վերաբերում, եւ չկա որեւէ գերատեսչություն եւ նաեւ մասնավոր հատված, որին հարցը վերաբերելի չլինի»:
Նախարարության պաշտոնյան ասաց, որ նշյալ դեպքով կա հարուցված քրեական գործ եւ իրավապահ մարմինները կպարզեն կատարվածը: Անահիտ Հովհաննիսյանի խոսքով, այդ ամենը պարզելու համար իրավապահները ակտիվ համագործակցում են նաեւ երեխայի իրավունքների պաշտպանությամբ զբաղվող մարմինների հետ:
Կարդացեք նաև
Լուսինե ԲՈՒԴԱՂՅԱՆ
