«Խորհրդարանը չի գործում պառլամենտարիզմի տրամաբանության մեջ։ Քաղաքական մեծամասնությունը, փոխանակ հարցին լուծում տա, ինքն է հարցը հասցեագրում ՍԴ-ին։ Սա նորմալ չէ»,-խորհրդարանում լրագրողների հետ զրույցում այսօր ասաց «Հայաստան» դաշինքի պատգամավոր Արամ Վարդեւանյանը։
Հիշեցնենք, որ ԱԺ պաշտպանության եւ անվտանգության հարցերի հանձնաժողովի այսօրվա նիստում մերժվեց բալային համակարգի չեղարկում ենթադրող նրա նախագիծը։ Իշխանական պատգամավորներն առաջարկեցին՝ եթե խնդիր եք տեսնում, դիմեք ՍԴ։
«Սա այն հարցերից էր, որը քաղաքական բաղադրիչ չունի։ Սա մաքուր իրավական հարց է, որն ունի խնդիր կիրառության մեջ։ Այս քննարկումից «պարզվեց», որ խախտում անողներն անդաստիարակներն են կամ գումարի խնդիր չունեցողները, մինչդեռ բովանդակային փաստարկ չլսեցի։ Սա ի՞նչ մակարդակի իրավական քննարկում է»,-հարցադրում արեց Արամ Վարդեւանյանը։
Կարդացեք նաև
Լուիզա ՍՈՒՔԻԱՍՅԱՆ
