2021թ․-ի առաջին ութ ամսում գրանցված ՃՏՊ-ներից 1184-ը կամ 30%-ը, իսկ զոհերից՝ 46-ը կամ 20%-ը գրանցվել են Երեւանում՝ այն դեպքում, երբ մինչեւ բալային համակարգի ներդրումը պատահարների, զոհերի եւ վիրավորների թվի 45-50%-ն արձանագրվում էր Երեւանում։ Այս մասին այսօր խորհրդարանում հայտարարեց ՀՀ ոստիկանության իրավաբանական վարչության պետ Ռուսլան Մարանդյանը։
Հիշեցնենք, որ ԱԺ պաշտպանության եւ անվտանգության հարցերի հանձնաժողովի այսօրվա նիստում քննարկվում էր բալային համակարգը չեղարկելու վերաբերյալ «Հայաստան» դաշինքի պատգամավոր Արամ Վարդեւանյանի նախագիծը, որը մերժվեց։
Ոստիկանության պաշտոնյան տեղեկացրեց, որ նույն ժամանակահատվածում ՀՀ-ում զոհերի թվի 50% աճ է արձանագրվել, սակայն Երեւանում զոհերի թիվն աճել է 13-ով․ «Այսինքն, զոհերի թվի ընդհանուր աճի միայն 26%-ն է բաժին ընկնում մայրաքաղաքին այն դեպքում, երբ պատահարների 30%-ն է տեղի ունեցել Երեւանում։ Մարանդյանը կողմ արտահայտվեց բալային համակարգի կիրառմանը՝ միաժամանակ շեշտելով, որ թվերի մեջ դրական դինամիկա կա։
Կարդացեք նաև
Լուիզա ՍՈՒՔԻԱՍՅԱՆ
