Մամուլում կրկին լուրեր են շրջանառվում, թե շուտով Լոռու մարզպետ Արամ Խաչատրյանը հրաժարական է տալու իր պաշտոնին: Մինչդեռ մարզի ղեկավարը կրկին հիշեցրեց, որ իր պաշտոնը հայեցողական է եւ ինքը չի որոշում՝ կշարունակի՞ աշխատել, թե՞ ոչ. «Ես ինքս չեմ որոշում իմ մնալ, չմնալը: Դա մեր քաղաքական թիմը եւ վարչապետն է որոշում»:
Սակայն, Խաչատրյանի խոսքով՝ այս պահին այդ լուրերն իրականությանը չեն համապատասխանում. «Ինձ հետ այդ հարցի հետ կապված որեւէ քննարկում չի եղել: Ես հիմա Լոռու մարզպետն եմ եւ շարունակում եմ պաշտոնավարել: Սա հայեցողական պաշտոն է եւ ժամկետներ մենք չենք կարող նշել»,-խոսքը եզրափակեց Խաչատրյանը:
Տաթեւիկ ՂԱԶԱՐՅԱՆ
