Այսօր ԱԺ տնտեսական հարցերի հանձնաժողովի նիստում քննարկվեց «Պետական գույքի մասնավորեցման 2017-2020 թվականների ծրագրի կատարման 2020 թվականի տարեկան հաշվետվությունը»:
ՀՀ պետական գույքի կառավարման կոմիտեի նախագահ Առնակ Ավետիսյանն ասաց, որ հաշվետու ժամանակահատվածում ծրագրում ընդգրկված եւ մասնավորեցման ներկայացված ընկերություններից մասնավորեցվել են՝ ուղղակի վաճառքի ձևով 1 և դասական աճուրդով 2 ընկերության պետական սեփականություն հանդիսացող բաժնետոմսերը: Հաշվետու ժամանակահատվածում մասնավորեցումից ստացված միջոցները կազմել են 307 337.82 հազար դրամ, որից մոտ 80 մլն-ը փոխանցվել է համայնքային բյուջեներ: Մասնավորեցման ցանկից հանվել է «Հայավտոկայարան» ՓԲԸ-ն:
Առնակ Ավետիսյան
Նա նաեւ նշեց, որ մասնավորեցման արդյունքում 1 գնորդը կատարել է իր սոցիալական պարտավորությունները, երկուսը չեն կատարել:
Սերգեյ Բագրատյան
ՔՊ պատգամավոր Սերգեյ Բագրատյանը հարցրեց՝ եթե պարտավորությունները չեն կատարել, չպե՞տք է հետ վերցնել ու նորից վաճառել՝ Ավետիսյանը պատասխանեց, որ ներքին հրամանով տույժ ու տուգանք են հաշվարկում չկատարված պարտավորությունների մասով, իսկ երկրորդ տարին անընդմեջ կրկնվելու դեպքում օտարման պայմանագիրը չեղարկելու ու լուծարման գործընթաց է սկսվում: Կարող է կիրառվել գույքի հետ վերադարձի պատժամիջոց:
Կարդացեք նաև
Հաշվետվությունն ընդունվեց հանձնաժողովի կողմից:
Հռիփսիմե ՋԵԲԵՋՅԱՆ
