VOGUE-ը ներկայացրել է բարձր նորաձեւության 2022 թ. գարուն-ամառ սեզոնի հիմնական միտումները:
Ըստ այդմ, գերակշռում են մեծ ժապավենները, շղարշները, փետուրների առատությունը: Սրանք այս տարվա համար թրենդային են:
Որոշ կուտուրիեներ ավելի համարձակ են գտնվել՝ շեշտադրելով «մերկությունը» իրենց հավաքածուներում:
Օրինակ, Պիերպաոլո Պիչոլլին Վալենտինոյի համար ներկայացրել է երկար զգեստներ՝ նախընտրությունը տալով ուսերի ու կրծքի լայն բացվածքին, ոտքերը մերկացնող ծայրահեղ կարճ զգեստներին, անգամ այնպիսի ուլտրակարճ հագուստներին, որոնք չեն թաքցնում նույնիսկ գուլպաների վերին երիզները:
Միեւնույն ժամանակ, այլ դիզայներներ նոր հորիզոններ են բացում՝ ստեղծելով հագուստներ՝ դեկորատիվ հագեցած զարդանախշերով, որոնք հիշեցնում են Դեյվիդ Բոուի կերպարներին: Դրանցում նաեւ քարերով զարդարված ասեղնագործված զգեստներ ու զուգագուլպաներ են:
Այս գարնանն ու ամռանը գույները եւս կարեւոր են, ինչպես նաեւ էական են բարձրակրունկները: Նորաձեւությունը, ինչպես արվեստի ցանկացած տեսակ, տոն է ենթադրում եւ դաժան ժամանակներում ուրախություն պարգեւելու դերակատարություն ունի:
«Առավոտ» օրաթերթ
02.02.2022
