Ցանկացած միջազգային կազմակերպության գործունեությունը «Ադրբեջանի ինքնիշխան տարածքներում» կարող է քննարկման առարկա լինել միայն Բաքվի և համապատասխան կազմակերպությունների միջև: Այս մասին հայտարարել է Ադրբեջանի ԱԳՆ մամուլի պատասխանատու Լեյլա Աբդուլլաևան՝ արձագանքելով Հայաստանի արտգործնախարար Արարատ Միրզոյանի հայտարարությանը, թե Բաքուն խոչընդոտում է Արցախում միջազգային կազմակերպությունների աշխատանքին:
«Ցանկացած միջազգային կազմակերպության գործունեությունը Ադրբեջանի ինքնիշխան տարածքներում համապատասխան միջազգային կազմակերպության և մեր երկրի երկկողմ հարցն է: Երրորդ երկրի ներկայացուցչի մեկնաբանությունն այս հարցումը անտեղի է և չհիմնավորված: Ավելի լավ կլիներ, եթե Հայաստանի արտգործնախարարը մեկնաբաներ իր երկրի ստանձնած պարտավորությունների կատարումը և խաղաղություն հաստատեր տարածաշրջանում»,- ասել է Աբդուլլաևան:
Նա հավելել է, որ միջազգային կազմակերպությունների գործունեությունն Ադրբեջանի տարածքում իրականացվում է պետության տարածքային ամբողջականության և ինքնիշխանության նկատմամբ հարգանքի հիման վրա:
Պատրաստեց Վիկտորյա ԱՆԴՐԵԱՍՅԱՆԸ
