«Փաստաթղթում եղել են նաեւ դրույթներ, որոնք մեր համար ընդունելի չեն»,-Aravot.am-ի հետ զրույցում անդրադառնալով ԵԽԽՎ-ում օրերս Հայաստանի մասին քննարկված զեկույցին, որին դեմ էր քվեարկել «Պատիվ ունեմ» խմբակցության պատգամավոր Հայկ Մամիջանյանը՝ ասաց ԱԺ «Հայաստան» խմբակցության պատգամավոր Արթուր Խաչատրյանը։
«Որոշ կետերում ՀՀ-ն ներկայացվում է որպես շատ ժողովրդավարական երկիր։ Այսինքն, աչքերը փակո՞ւմ են նրա վրա, որ դատարաններում ձեռքով մակագրումներ են տեղի ունենում եւ քաղաքական ենթատեքստով գործերը մակագրվում են կոնկրետ դատավորների։ Կամ, որ ՏԻՄ ընտրություններից հետո ընդդիմադիրները հալածվում են»,-նշեց պատգամավորը։
Նրա խոսքով՝ ԵԽԽՎ-ն աչք է փակել այդ հարցերի վրա, եւ Հայկ Մամիջանյանը չէր կարող կողմ քվեարկել․ «Կողմ քվեարկելը կնշանակեր, որ նա համաձայն է այդ պնդումների հետ։ ՀՀ-ում քաղաքական ճգնաժամը հանգուցալուծված չէ, ինչպես ասվում է փաստաթղթում։ Ճգնաժամ է առաջացել, որովհետեւ իշխանությունը պարտվեց պատերազմում, որովհետեւ թուրքերի ձեռքերն արձակվեցին իրենց պատճառով։ Քանի դեռ պատճառը չի վերացել, ճգնաժամը չի կարող վերանալ։ Դա Փաշինյանի թեզն է»։
Կարդացեք նաև
Լուիզա ՍՈՒՔԻԱՍՅԱՆ
