Սպորտային մարմնամարզության Ռուսաստանի ազգային հավաքականի անդամ, օլիմպիական խաղերի, աշխարհի եռակի ու Եվրոպայի հնգակի չեմպիոն Արթուր Դալալոյանը որոշել է ավարտել մարզական կարիերան:
Նա ինստագրամի իր էջում գրել է. «Միշտ գալիս է վճիռ կայացնելու ժամանակը: Միանգամից երկու աթոռի վրա չես նստի: Սպորտն ինձ տվել է ոչ մի բանի հետ չհամեմատվող ճախրելու զգացում: Դրանք անմոռանալի տարիներ են: Սակայն, հավանաբար, արդեն վայրէջքի ժամանակն է»:
Աշոտ ՀԱԿՈԲՅԱՆ
