Օրերս իրավապաշտպան, «Իրավական ուղի» ՀԿ համահիմնադիր Ռուբեն Մելիքյանը գրառում էր կատարել Ֆեյսբուքում եւ նշել, որ մի գրառման համար սովորական քաղաքացու վրա հարուցվել է իր ձեւակերպմամբ քրեական գործ՝ տխրահռչակ «ծանր վիրավորանքի» հոդվածով:
Aravot.am-ը իրավապաշտպանից փորձեց մանրամասներ պարզել: Հետաքրքրվեցինք, թե ինչ փուլում է գործը: Ռուբեն Մելիքյանը հետեւյալը փոխանցեց. «Տեղեկացված ենք, որ գործը փոխանցված է քննչական կոմիտեի մարզային ստորաբաժանում եւ տեղեկացված ենք, որ մոտ օրերս լինելու է հրավեր հարցաքննության»: Նա ասաց, որ բացասական է վերաբերվում գրառումների համար մարդկանց հետեւից ընկնելուն։
Գոհար ՀԱԿՈԲՅԱՆ
