«Չեղած առաջարկներն իմ տարիքում քննարկելը կամ դրանց պատասխանելը կոռեկտ չի։ Նույնիսկ անհարմար է»,-Եռաբլուրում լրագրողների հետ զրույցում այսօր անդրադառնալով հարցին, թե ՔՊ-ն իրեն առաջարկե՞լ է լինել նախագահի թեկնածու՝ ասաց «Հանրապետություն» կուսակցության առաջնորդ Արամ Զավենի Սարգսյանը։
«Չի եղել քննարկում։ Բացի այդ, մինչեւ ամսի երեսունը որեւէ թեկնածուի քննարկելը ոչ կոռեկտ եմ համարում, որովհետեւ մինչեւ այդ ժամկետն Արմեն Սարգսյանը դեռ ՀՀ նախագահ է»,-նշեց Արամ Սարգսյանը։
Արմեն Սարգսյանի հրաժարականի հնարավոր պատճառների մասին էլ նա նշեց․ «Մանրամասն եւ լուրջ նրբություններով վերլուծելու թեմա է։ Ոտքի վրա չեմ կարող նման հարցերի պատասխանել»։
Լուիզա ՍՈՒՔԻԱՍՅԱՆ
