Ինչպե՞ս ստացվեց, որ վարչապետը բանակի 30-ամյակին կորոնավիրուսով նորից վարակվեց, այդտեղ միտում են տեսնում. այսօր Եռաբլուրում այս հարցին ի պատասխան փոխվարչապետ Մհեր Գրիգորյանն ասաց. «Դե լավ, էլի, լուրջ խոսակցություն չի դա»:
Հարցին՝ այս տոնի համար կառավարությունը ի՞նչ միջոցառումներ էր նախաձեռնել, որոնք հետաձգվել են՝ կորոնավիրուսի պատճառաբանությամբ՝ Մհեր Գրիգորյանը պատասխանեց, որ այսօր երեկոյան նախատեսվել էր ընդունելություն, որը հետաձգվել է. «Փակ վայրում պետք է միջոցառում իրականացվեր»:
Հարցին՝ իսկ Սուրեն Պապիկյանի՝ այդքան մարդաշատ հարսանիքին մասնակցությո՞ւնը, դա նշանակություն չունեցա՞վ, որ այդքան մարդ վարակվեց՝ Մհեր Գրիգորյանը պատասխանեց. «Գիտեք, ես բժիշկ չեմ եւ չեմ կարող դիագնոզներ դնել: Ես չեմ կապում: Դուք կարծում եք աշխարհում կորոնավիրուսը տարածվել է Սուրեն Պապիկյանի հարսանիքի պատճառո՞վ: Այդ թվում՝ Հայաստանում վստահեցնում եմ՝ ոչ»:
Կարդացեք նաև
Հարցին՝ առնչություն չե՞ք ունեցել վարչապետի հետ, կորոնավիրուսի թե՞ստ պետք է հանձնեք՝ փոխվարչապետը պատասխանեց, որ թեստ հանձնել է, այն բացասական է, բացի այդ, ինքը արդեն հիվանդացել ու առողջացել է, պատվաստվել է 4 դեղաչափ:
Հռիփսիմե ՋԵԲԵՋՅԱՆ
