«Մե՞նք, ցե՞խ․․․բացառվում է։ Ընդդիմությունը մտավ խորհրդարան ու հայտարարեց՝ Իլհամ Ալիեւը պետք է իմանա, որ այսօր կա ավելի լավ ընդդիմություն, ազգային ընդդիմություն․ նման ենթատեքստեր եղան»,- Եռաբլուրում լրագրողների հետ զրույցում այսօր ասաց «Լուսավոր Հայաստան» կուսակցության առաջնորդ, ԱԺ նախկին պատգամավոր Էդմոն Մարուքյանը՝ անդրադառնալով նկատառմանը, որ իր կուսակիցները երբեմն ցեխ են շպրտում խորհրդարանի գործող ընդդիմության հասցեին։
Լրագրողները հետաքրքրվեցին՝ վիրավորվո՞ւմ է ԼՀԿ-ի մասին գործող ընդդիմության գնահատականներից։
«Նրանք այդքան չեն կարող որեւէ բան անել, որ մենք վիրավորվենք։ Հետեւաբար, առաջին օրից մտել են խորհրդարան ու ուզում են նախկին ընդդիմադիր ուժերին վարկաբեկել։ Այդ ուժերը չեն անցել խորհրդարան, դուք եք անցել, ուստի գնացեք-աշխատեք։ Այս ընթացքում արձագանքներ են եղել, բայց, գիտեք, մենք բանավեճ չունենք խորհրդարանական ընդդիմության հետ։ Ժողովուրդը որոշել է, որ իրենք պետք է լինեն խորհրդարանում, եւ մենք հարգում ենք ժողովրդի որոշումը, թող աշխատեն։ Երեկ ԵԽԽՎ-ն բանաձեւ է ընդունել․ ընդդիմությունն, օրինակ, դրանում որեւէ ներդրում ունի՞»,-հարցադրում արեց Մարուքյանը։
Կարդացեք նաև
Նա համոզմունք հայտնեց, որ ԼՀԿ-ն, որպես ընդդիմություն, աջակցել է պետականաշինության գործին։
Լուիզա ՍՈՒՔԻԱՍՅԱՆ
