«ՀՀ-ն մշտապես դրական վերաբերմունք է հայտարարել խաղաղության օրակարգի առաջմղման վերաբերյալ։ Վերջնանպատակը խաղաղության պայմանագիրն է, որը հընթացս բավականին երկար եւ խորը․․․երկար եւ համապարփակ քննարկման արդյունքում երկկողմանի ընդունելի լինելու տրամաբանության տեքստի տեսքով պետք է հրապարակվի ՀՀ-ի եւ Ադրբեջանի հասարակության առաջ»,-խորհրդարանում լրագրողների հետ ճեպազրույցում այսօր անդրադառնալով վարչապետ Նիկոլ Փաշինյանի հայտարարությանը, թե ՀՀ-ն պատրաստ է Ադրբեջանի հետ սկսել բանակցությունները խաղաղության պայմանագրի վերաբերյալ՝ ասաց ՔՊ-ական պատգամավոր, ԱԺ արտաքին հարաբերությունների հանձնաժողովի նախագահ Էդուարդ Աղաջանյանը։
«Այս պահի դրությամբ խոսում ենք խաղաղության պայմանագրի մասին, որի հետ կապված որեւէ դետալային քննարկում չի եղել որեւէ ձեւաչափով, եւ դա տրամաբանական է։ Այս պահին անգամ սահմանազատման մասին դժվարանում ենք կոնկրետ առաջընթաց անել կամ քայլեր անել։ Հիմա վաղ է խոսել խաղաղության պայմանագրի մասին»,-հավելեց Էդուարդ Աղաջանյանը։
Կարդացեք նաև
Լուիզա ՍՈՒՔԻԱՍՅԱՆ
