Այսօր ՀՀ էկոնոմիկայի նախարար Վահան Քերոբյանից հետաքրքրվեցին՝ ինչպե՞ս է ազդել տնտեսության վրա այս մեկ տարվա ընթացքում թուրքական ապրանքների էմբարգոյի՝ արգելքի՝ կառավարության որոշումը: Ի պատասխան՝ նախարարն ասաց, որ գնահատել են տնտեսության վրա եւ գնաճի վրա ազդեցությունը, որը կարճաժամկետ առումով այդքան էլ դրական չի եղել. «Դրական եղել է, շատ նոր նախաձեռնություններ են սկսել, բայց այդ ընկերությունների աշխատանքը դեռ իր ներդրումը չի ունեցել տնտեսության մեջ, բայց գնաճի վրա որոշակի ազդեցություն եւս եղել է, այո, գնաճն ավելացել է, որովհետեւ փոխարինվող ապրանքներն այլ երկրներից միջինում եղել են ավելի թանկ, քան՝ թուրքական ապրանքները: Մենք դիտարկում էինք, որ էմբարգոյի դրական արդյունքը կլինի երկարաժամկետ, բայց կառավարությունը կոլեգիալ որոշում ընդունեց չշարունակել էմբարգոն»:
Լուսինե ԲՈՒԴԱՂՅԱՆ
