Ստեփանավանի քրեական հետախույզները հունվարի 24-ի երեկոյան Կուրթան գյուղի վերջնամասում, ապօրինի փայտանյութ տեղափոխելու կասկածանքով, ստուգման ենթարկեցին Վանաձորի բնակիչ, 41-ամյա մի տղամարդու վարած «Ֆորդ Տրանզիտ» ավտոմեքենան: Մոտ 4 խմ բոխի և կաղնի տեսակի փայտանյութի ձեռքբերման համար վարորդն ու ուղևորը համապատասխան փաստաթուղթ չեն ներկայացրել:
Փայտանյութով բեռնված մեքենան տեղափոխվել է բաժնի պահպանվող հատուկ տարածք:
Ժամեր անց, գիշերվա երեքին մոտ, մի քանի խորանարդ մետր ապօրինի փայտանյութ է հայտնաբերվել նաև Կուրթան գյուղի հարակից «Արզաքան» անտառամասում: Այս դեպքում քրեական հետախույզները համագործակցել են բաժնի համայնքային ոստիկանների հետ: 33-ամյա կուրթանեցու հայտնածով՝ փայտանյութն իրենն է, անցած տարվա աշնանը բենզասղոցով հատել էր երկու հաճարենի:
Երկու դեպքով էլ նշանակվել են մասնագիտական ստուգումներ:
Կարդացեք նաև
Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:
ՀՀ ոստիկանություն
