Նախագահ Արմեն Սարգսյանի հրաժարականը անակնկալ է եղել ՔՊ պատգամավոր Զարուհի Բաթոյանի համար: Նա այսօր լրագրողների հետ զրույցում ասաց, որ Արմեն Սարգսյանը հրաժարականի տեքստում մատնանշել է պատճառները, խոսել սահմանադրական բարեփոխումների, կառուցվածքային փոփոխությունների մասին: Դրանից դուրս նա ասաց, որ տեղեկատվություն չունի:
Թե ինչու է հրաժարական տվել արտերկրից՝ Բաթոյանը պատասխանեց, որ չի կարող մեկնաբանել ոչ նախագահի հրաժարականի տեքստը, ոչ էլ քայլերը:
Հարցին՝ խաղաղության դարաշրջանի փուլի, հայ-թուրքական բանակցությունների ու նախագահի հրաժարականի միջեւ զուգահեռներ չե՞ք՝ տանում՝ նա պատասխանեց, որ հիմա չի կարող մեկնաբանել, կաշկանդված չէ, բայց հիմա չունի մեկնաբանություն. «Ժամանակը կգա՝ կմեկնաբանեն»:
Կարդացեք նաև
Հարցին՝ թիմի ներսում քննարկում չե՞ք ունեցել, չե՞ք փորձել պարզել՝ Արմեն Սարգսյանը ի՞նչ ձեռնոց է նետել ձեզ՝ Զարուհի Բաթոյանը պատասխանեց. «Ոչ, ես անձամբ որեւէ քննարկումների չեմ մասնակցել եւ որեւէ ձեռնոց նետելու մասին խոսք գնալ չէր կարող»:
Հռիփսիմե ՋԵԲԵՋՅԱՆ
