ԱԺ լիագումար նիստում այսօր «Հայաստան» դաշինքի պատգամավոր Արթուր Ղազինյանը «Քաղաքացիական պայմանագրի» կողմից ՄԻՊ թեկնածու առաջադրված Քրիստինե Գրիգորյանին հիշեցրեց, որ գործող ՄԻՊ-ը մշտապես հետամուտ է պաշտոնյաների բառամթերքին եւ դատապարտող հայտարարություններ է անում, հատկապես վերջին 1,5 տարում հետամուտ լինում քաղաքացիների իրավունքների պաշտպանությանը․ «Կուզենայի ձեզանից լսել, որ հետամուտ եք լինելու գործող ՄԻՊ Արման Թաթոյանի 1,5 տարվա աշխատանքին, լինելու եք անաչառ եւ լինելու եք բոլորի ՄԻՊ-ը»։
Քրիստինե Գրիգորյանը պատասխանեց․ «Թե պարոն Թաթոյանը եւ թե նախորդ պաշտպանները ներդրում են ունեցել ՄԻՊ հեղինակության բարձրացման համար։ Հետամուտ եմ լինելու բոլոր ՄԻՊ-երի հրապարակած խախտումները վերականգնելուն»։
Ղազինյանը չհամաձայնեց․ «Խորը կասկած ունեմ, որ ձեր համար դժվար է այս ոճով առաքելություն իրականացնելը»։
Ապա նշեց․ «Այս ամբիոնից հնչել են անթույլատրելի հայտարարություններ, որոնք ատելության խոսք են՝ «շնաբարո դուրսպրծուկներ», «վզից բռնելու ենք շպրտենք դուրս»։ Ի՞նչ գնահատական ունեք նման բառամթերքի եւ պահվածքի մասին, որը հարիր չէ երկրի առաջին դեմքին»։ Թեկնածուն պատասխանեց․ «Ցավում եմ, որ ելույթս կասկածներ է թողել։ Պաշտպանին առընթեր խորհուրդների ձեւաչափը քննարկումներ կազմակերպելու հարցում համարելու եմ առաջնահերթ։ Ատելության խոսքի եւ քաղաքակիրթ բանաձեւի նշաձողը բոլորիս անելիքն է։ Չեմ խուսափելու գնահատականներ տալուց»։
Կարդացեք նաև
Լուիզա ՍՈՒՔԻԱՍՅԱՆ
