Վարչական դատարանում ավագանու շահերը ներկայացնելու համար Վանաձոր համայնքի ավագանին արտահերթ նիստ է հրավիրել։ Նիստի օրակարգում ընդգրկված է լիազոր ներկայացուցիչ ընտրելու մասին հարցը։
Համայնքի ավագանին, հիմք ընդունելով «Տեղական ինքնակառավարման մասին ՀՀ օրենքի» 65-րդ հոդվածը, համաձայն որի՝ ավագանու արտահերթ նիստ գումարում է նաեւ ավագանու անդամների ընդհանուր թվի առնվազն մեկ երրորդը, ավագանու արտահերթ նիստն անցկացնում է նախաձեռնողի սահմանած օրակարգով եւ ժամկետում։
Այսպիսով, հունվարի 24-ին, ժամը 11.00-ին Վանաձորի համայնքապետարանի նիստերի դահլիճում տեղի կունենա ավագանու արտահերթ նիստը։
Հիշեցնենք, հունվարի 12-ին Վերաքննիչ վարչական դատարանը մերժեց «Լուսավոր Հայաստան» կուսակցության վերաքննիչ բողոքը: Իսկ հունվարի 17-ին նախատեսվում էր անցկացնել Վարչական դատարանի հերթական նիստը՝ նվիրված Վանաձոր խոշորացված համայնքի ավագանու նիստ անցկացնելու արգելքի վերացմանը: Սակայն, ինչպես ավելի ուշ պարզ դարձավ, նշված դատական նիստը հետաձգվել է։
Կարդացեք նաև
Տաթեւիկ ՂԱԶԱՐՅԱՆ
