Ինչպես արդեն տեղեկացրել ենք, Երևանի ընդհանուր իրավասության դատարանում հունվարի 21-ին քննվեց ՀՀ պաշտպանության նախկին նախարար Դավիթ Տոնոյանի նկատմամբ ընտրված խափանման միջոց կալանավորումն անձնական երաշխավորությամբ փոխարինելու մասին միջնորդությունը: Հիշեցնենք՝ Դավիթ Տոնոյանին անձնական երաշխավորությամբ ազատ արձակելու միջնորդություն են ներկայացրել «Հանրապետություն» կուսակցության նախագահ Արամ Զավենի Սարգսյանը և ԱԺ «Քաղաքացիական պայմանագիր» խմբակցության պատգամավորներ Քրիստինե Պողոսյանն ու Վիլեն Գաբրիելյանը («Նավակ ճոճող»)։
Դռնփակ դատական նիստի ընթացքում քննարկելով միջնորդությունը՝ դատարանը գնաց խորհրդակցական սենյակ:
Դավիթ Տոնոյանի փաստաբան Սերգեյ Հովհաննիսյանը Aravot.am-ի հետ զրույցում տեղեկացրեց՝ դատարանը Դավիթ Տոնոյանի նկատմամբ ընտրված խափանման միջոց կալանավորումն անձնական երաշխավորությամբ փոխարինելու մասին միջնորդության հետ կապված որոշումը կհրապարակի 24-ին՝ երկուշաբթի օրը՝ ժամը 11.00-ին:
Կարդացեք նաև
Տաթև ՀԱՐՈՒԹՅՈՒՆՅԱՆ
