«Մենք կողմ ենք հայ-թուրքական հարաբերությունների հաստատմանն առանց նախապայմանների, բայց դեմ ենք, երբ Թուրքիան իր նախապայմաններն է առաջ քաշում եւ ստանում»,-ԱԺ լիագումար նիստում այսօր հայտարարեց «Հայաստան» դաշինքի պատգամավոր Անդրանիկ Թեւանյանը։
«Դեմ ենք, որ հայ-թուրքական գործընթացը շաղկապվի Արցախի հարցի հետ։ Կուզեի իշխանությունն էլ ասեր՝ որո՞նք են այն կարմիր գծերը, որոնց անցումն ինքը թույլ չի տա»,-հարցադրում արեց Անդրանիկ Թեւանյանը։
ԱԺ փոխնախագահ, ՀՀ-Թուրքիա երկխոսության հայկական կողմի ներկայացուցիչ Ռուբեն Ռուբինյանն արձանագրեց, որ վերջապես բովանդակային ելույթ եղավ թեմայի շուրջ․ «Եթե առանց նախապայմանների, ուրեմն՝ առանց նախապայմանների։ Ըստ էության, արձանագրենք, որ ձեր խմբակցությունը կողմ է առանց նախապայմանների հարաբերությունների կարգավորմանը»։
Անդրանիկ Թեւանյանը տեղից ինչ-որ բան էր ասում, որը լսելի չէր։ Ռուբինյանն ասաց, որ այլ առիթներ էլ կլինեն արտահայտվելու համար։
Կարդացեք նաև
Լուիզա ՍՈՒՔԻԱՍՅԱՆ
