«Միջազգային հանրության կողմից գրանցվել է, որ Լեռնային Ղարաբաղի հիմնախնդիրը լուծված չէ, եւ հիմնախնդրի լուծման կարեւոր հարթակն այս պահին հանդիսանում է ԵԱՀԿ Մինսկի խումբը»,-այսօր կառավարության նիստից հետո տեղի ունեցած ճեպազրույցում ասաց Անվտանգության խորհրդի քարտուղար Արմեն Գրիգորյանը: Նրա խոսքով, ԵԱՀԿ Մինսկի խմբի համանախագահների այցը տարածաշրջան հնարավորություն կտա խնդրի երկարաժամկետ եւ համապարփակ լուծմանը:
Արմեն Գրիգորյանն ասաց, որ շարունակելու են աշխատել, որպեսզի կարողանան ձեւակերպել համապարփակ խաղաղության պայմանագիրը, որի ստորագրման համար անհրաժեշտ է, որպեսզի հայկական կողմը գտնի լուծում՝ Լեռնային Ղարաբաղի հիմնախնդրի. «Գիտեք, որ Լեռնային Ղարաբաղի հիմնախնդրի կարգավորման հարթակը ԵԱՀԿ Մինսկի խումբն է եւ դրա շրջանակներում բանակցությունների եւ քաղաքական գործիքակազմի միջոցով փորձենք ԼՂ հիմնախնդրին լուծում գտնենք»:
ԱԽ քարտուղարը թվարկեց այլ հարցեր եւս՝ ճանապարհների ապաշրջափակումը, սահմանազատումն ու սահմանագծումը, որոնց վերաբերյալ լուծում գտնելով պետք է ստեղծեն Ադրբեջանի հետ խաղաղության պայմանագրի հիմքերը:
Կարդացեք նաև
Լուսինե ԲՈՒԴԱՂՅԱՆ
