Հավաքական անվտանգության պայմանագրի կազմակերպության դերը՝ որպես տարածաշրջանում առանցքային անվտանգության կառույց, կբարձրանա, գլոբալ անվտանգության ֆոնին կազմակերպության ջանքերի պահանջարկը նույնպես կաճի: Այս մասին այսօր տեղի ունեցած ճեպազրույցում հայտարարել է Ռուսաստանի ԱԳՆ պաշտոնական ներկայացուցիչ Մարիա Զախարովան:
«Հավաքական անվտանգության պայմանագրի կազմակերպությունն իրականում ավելի է ամրապնդվում՝ որպես իր պատասխանատվության գոտի հանդիսացող տարածաշրջանում անվտանգության, կայունության ապահովման առանցքային կառույց: Ակնհայտ է, որ պահպանվող համաշխարհային անկայունության, տարածաշրջանային հակամարտությունների աճի պայմաններում ՀԱՊԿ ջանքերի դերն ու պահանջարկը կաճի»,- ասել է Զախարովան:
Նա հավելել է, որ Ղազախստանում ճգնաժամային իրադարձությունների ժամանակ ՀԱՊԿ-ը դրսևորեց իրավական դաշտում արագ, վճռական և կոշտ գործելու կարողություն:
«ՀԱՊԿ փորձը չափազանց պահանջված է, այն մանրամասն կվերլուծվի, առաջին հերթին նպատակ ունենալով ավելացնել դաշնակիցների ջանքերը՝ կազմակերպության պատասխանատվության գոտում ներքին ապակառուցողական միջամտության փորձերին համատեղ դիմակայելու համար»,- ասել է Զախարովան:
Կարդացեք նաև
Պատրաստեց Վիկտորյա ԱՆԴՐԵԱՍՅԱՆԸ
