Կառավարության ընդունած փոփոխությամբ.
1) կանոնակարգվեց ՀՀ զինված ուժերում կորոնավիրուսային հիվանդության կանխարգելման և չտարածման նպատակով զինծառայողների տեսակցությունների, նրանց արձակումների և արձակուրդների տրման գործընթացը:
2) քրեակատարողական հիմնարկներում արգելվեցին տեսակցությունները այն պայմաններում, եթե ազատությունից զրկված անձը և նրան տեսակցող անձը պատվաստված չեն:
ՀՀ արդարադատության նախարարության տարածած հաղորդագրությանում նշված է. «Այսօր՝ հունվարի 20-ին, ՀՀ Կառավարության նիստում որոշում կայացվեց վերացնել ազատությունից զրկված անձանց հետ տեսակցությունների արգելքը:
Կարդացեք նաև
Նախագծի ընդունմամբ ՀՀ Արդարադատության նախարարության քրեակատարողական հիմնարկներում կթույլատրվեն տեսակցություններն ազատությունից զրկված անձի և նրան տեսակցող անձի պատվաստված լինելու պարագայում: Բացառությունները վերաբերելի են փաստագրված բացարձակ հակացուցում ունեցող անձանց, հղիներին, մինչև 18 տարեկան անձանց, ՊՇՌ հետազոտության բացասական արդյունքը հավաստող առավելագույնը 72 ժամ վաղեմության սերտիֆիկատ ունեցող անձանց, ինչպես նաև նախկինում կորոնավիրուսային հիվանդությամբ (COVID-19) հիվանդացած անձանց՝ ՊՇՌ հետազոտության առաջին դրական արդյունքից հաշված 90 օրվա ընթացքում:
Արդարադատության նախարարությունը կոչ է անում տեսակցությունների ընթացքում զգոն լինել և խստորենս պահպանել սանիտարահամաճարակային նորմերը»:
